Voluntariado interxeracional 2025

ACOPROS leva a cabo o proxecto nomeado: Tesouros galegos para todos e todas: da terra ás redes, co apoio da Unión Europea NextGenerationEU e da Consellería de Cultura, Lingua e Xuventude da Xunta de Galicia, a través da convocatoria BS508E Proxecto piloto Talento Interxeracional.
O proxecto promove a colaboración entre xeracións e a accesibilidade auditiva no turismo rural. Parellas de persoas voluntarias maiores e mozas visitaron sete concellos de baixa densidade poboacional en Galicia, onde identificaron recursos turísticos, realizaron accións de sensibilización e xeraron propostas de mellora.

Resultados principais:
-Participación activa de voluntariado interxeracional ao longo de todo o proceso.
-Sensibilización en establecementos locais e conversa directa coa cidadanía.
-Creación de sete guías individuais, unha para cada concello visitado, con recomendacións para avanzar cara a un turismo máis accesible e inclusivo.

O proxecto non tería sido posible sen o compromiso, a sensibilidade e a humanidade das persoas voluntarias. Grazas por regalarnos tempo, aprendizaxe e emocións. Grazas por achegar tecnoloxía, memoria, creatividade e vida.

Un territorio que escoita ás persoas é un territorio no que todas poden participar. A accesibilidade non é unha mellora: é unha condición para existir en igualdade.


*Proxecto financiado no marco do Plan de recuperación, transformación e resiliencia (PRTR), da Unión Europea NextGenerationEU e a Xunta de Galicia; Consellería de cultura, lingua e xuventude.